回味

聖誕樹

自小都沒有買樹過聖誕的習慣,
在大陸過的第一年為了點浪漫買了一棵

事隔數年, 今年亦為了點浪漫而架起另一棵
物相近心差落,
往年是錦上添花而今年卻是自我裝飾.

頂著某人嘲笑, 堅持點綴賀年利士一封
望仍有此物伴我渡年...

記名

住了大角咀一年, 直至上週才記清街尾那商場叫新九龍...是中心還是廣場呢? ( 曾經上的士同司機講左去西九龍中心或唔知咩九龍咩...結果廿蚊的士錢變左四五十蚊 )

自小記名有障礙 ,可能從記左記右都分不清時已露端倪 ( 即係左右不分 )
做這一行 ,什麼熱血勁舞或是勁舞什麼 ,三國啥啥的遊戲名永遠記不住 ( 被李生訓了N次 )...找到facebook上中學的group ,許多同學的中文名都不在大腦裡 ( 痴呆了嗎? )...發覺自己只能記得別人的花名 ,尤以那些親自改的 .

看來 ,我必須要在人 ,物當中看出個性 ,獨特才能寫進腦裡...其實 ,真的對不起很多同事 ,同學 ,他們都記得我 ( 可能夠地底或異類 ) ,而我有很多只能大概記得樣貌 ,連名稱都未必印對 .作為一個專業公關 ( 自稱 ) ,這應該是致命的吧! 但與生意有關的我可一個不漏 ,真的厚此薄彼 .

若然談到全名的話那可真寥寥 ,直至上週才發覺一直將李生的恒字寫成恆字 ( 佢應該死心了 ) ,但要達到什麼條件才能屍留全名呢 ? 不知道 .

放心 ,你們的都記得
周達峰 ( 這三個字不肯定寫法 ) ,冼屁股 ( 明顯胡混 ,好似係兆鴻, 錯左唔好打人 ) ,李恒思 ,蕭清宇 ,林世豪 ,溫達之 ,黃錦威 ,馬叔榮 ,黃育輝 ,張雁東...唔得, 開始死好多腦細胞...

記乜鬼 ,阿King ,屁 ,咸書 ,西佬 ,米高 ,溫仔 ,人板 ,老貓 ,肉b ,東東.....舒服晒...
( 聽日都係問下d朋友全名先... )

禮拜六日的Lunch

每逢週末 ,中午食飯很頭痛 ,絕大部份友人仍在睡夢中 ( 咩人黎架 )
討厭獨食 ,因只有老茶或老麥可供選擇
所以常在這種迷茫中虛渡了數個小時 ,但沒有決定 ( 即係無食 )
往往折騰至太陽下山 ,友人致電或相約這些夜遊人 ,才肯下定決心去吃飯 ( 辛苦晒 )
總覺得長此下去 ,有一日這班人會怕了我電話 ( 尤其是個個結晒婚的時候 )

從這件事已可看出 ,自己是多麼的小孩子不成熟 ( 無人陪連食個飯都食唔成 )

日上三竿, 又到了爭扎的時候了, 換件衣服到樓下吃飯和寫Blog, 竟然選擇了後者...待會兒又會出現新挑戰者, 挑戰去吃飯的決定, 而通常挑戰者都是勝利的... ( 幾時先肯食呀 )

繼續回憶 上海

與友掘了一晚上海回憶

不願承認白過了的日子

說著說著

友餓了

嘴饞了

我腦亦叫餓

品著回憶滋味

這道菜好吃

下個月去一趟

老貓

別想用百五蚊的打發我

P.S.

借來林伯當年照 繼續懷愐

記憶中的上海

有同事想上上海遊 一聽之下即時想賣弄自己在上海的吃喝玩樂心得
細想之下竟然想不起什麼東西出來 是記憶衰退 還是其實在上海白活了一整年 ?

還是有一些的啦, 徐滙的小白桦 ( 有幾道菜好好食, 但唔記得係咩...),
盧灣的南翔小籠包 留意 唔係城皇廟果間 (3.5元一籠但極好食, 香港要食到咁既水準加多個零, 曾經想係依度大排筵席宴請同事, 食死佢地都係唔使一百 ),
外灘3號的美酒江景 (影相一流!)
靜安路的日式放題榮 ( 連朝日生啤都任飲, 佢次次都蝕俾我 )...

死喇, 得咁多? 我成年點過架.....

We fit?

公司購入新出的Wii Fit ( 唔好問用途 好黑箱, 嘿 )
為測試對一眾LU的吸引力 午間特意邀請一眾同事 (尤以女同事) 參觀試玩
在演示一些動作時 某女同事大叫無用的啦!
忍不住大叫 : 你試下丫! (氣喘狀 )
女同事堅持 : 真係無用呢, 唔係我都唔使搵教練教....云云

並無責怪女同事之意 其亦代表某種消費者態度, 雖然後來這位女同事跑進來喊著要試Yoga( 點解之前又咁抗拒!? )
對著新事物 有著抵抗意識 可以是一種自我保護的方法,
許多時因著經驗, 習慣, 甚至為著要保護自身智識做法 都會潛意識拒絕有機會挑戰這一切的事 人之常情 頸硬的自己 犯得更多!

Open d ! 自己無目的無規限地做做啥都不會有成效 Wii Fit 要求跟著它的節奏 測著重心 最後看表現評分 有心做 做好 別流做 堅持做 以曾經健身多年的經驗( 仲好意思拎出黎講! ) 敢說絕對有效 !

演示結果 最後留下來一眾男同事玩頂波
遊戲 還是趣味及成功感
更誘人

上海菜 附贈上海式服務?

在圓方, 試了一家上海菜, 本來一個Tea 變了正餐 (林伯伉儷點左兩個面, 以我食量可吃4餐)

味道不俗 就貴了點 ( 一隻, 係一隻蛋 22蚊! ) 那自不然會對環境服務都有丁點要求
先有侍應以只差幾厘米在我身旁倒瀉籮蟹 落地開花 碗盤碎片都像已經打到我之後 ( 意外總找著我 ! )
故事來了 桌上堆滿碟 又一大碗面要放下(真係好大碗) 林伯好心將一空碟拎起遞向女待應 (定阿姐呢)

正常狀況 侍應理應接過林伯手上空碟 好點還會點頭稱謝...
令人意想不到的事 在一秒內發生了 位阿姐像看不到那空碟一般...在這一秒內消失了, 像遇上悪鬼般往廚房逃逸...留下了3個O了嘴的顧客( 咩事!)




說實在, 在旺角大檔遇上這事, 沒話好說. 好歹也是商場內有點名氣的食府, 難道真的要將上海口味加服務全套帶來香港? 付上這個價錢 在上海你可以包個間有專人服侍了(呆就呆d, 但未至於態度差), 以前敢與國內朋友誇許的香港服務已至此? 掉臉 ! (我講我自己, 我明, 你地都係打份工)

回想以前 遇上這事 可能已拍枱 想玩 會填寫意見表 追問女侍應號碼名稱 親手交給他們經理 今日 我只是在臨走時像個阿伯一樣嘮叨一句怎麼服務都那麼上海啊 (仲要咁隱晦!)

哈, 沒火了 ? 省氣了 ? 沒要求了 ? 現在這種叫成熟了, 看開了? 求食不求氣 不值為個連侍應都做不好的閒人動氣 ? 都不是, 怕事了!

下次拍枱

禮拜六

無節目? 非也, 繼有閨友相約圓方拍照 又陪爹娘吃炭爐火鍋 再打劫女同事AgnesB的戰利品
好豐富

何解, 仍未覺夠? 圓方的照片很好 爹娘吃魔鬼魚湯亦感美味 女同事的紅色名片包更是心頭好
那份不足 在於心貪 還是什麼? 在於角落裡那份空缺 一種訴諸無門的失落

是否單身 獨活 就理應適應 習慣 接受 這種空 這塊缺 ?
多謝今天伴我的所有人

如果分享是一種八掛 看來我不八掛活不下去

講戲

同事帶契 有投名狀首影睇 ( 幾十蚊都慳 )
睇之前好驚 驚宄 驚陳可辛拍戰爭上不沾天下不掂地
竟然OK, 喜出望外! 完戲之後 以為可以滔滔不絕 高談闊論
同事一句 : 套野無乜好講 金城武好靚仔囉 ( 係 我都覺 )
一下悶棍 是我Level 不及還是什麼呢 ?

anyway, 還是有許多東西值得發掘 反思的, 可能只對我有感觸吧!
老大對是對的堅持及盲目 老二的信與最終的盲信 老三自以為擔上最難最醜的擔 嫂子的自我開脫
都頗刻骨, 擺脫了一般描繪兄弟情為女反目 一般戰爭片只求大震撼大屠殺 的悶局

again, anyway, 這套非我想講, 上兩週與老雀看的一套 反而最入心入肺
主角老爸說 : 又不肯結婚 卻又不享受單身生活 你搞什麼? 來 陪我去LV(Los vagas是也) 起個雙飛啦!
倒像是罵我的絶句 !

對生活 重拾感覺

與同事閒聊 自嘲現在才寫Blog Out得很
同事鼓勵 寫得開心 想寫便寫 無in out之分(好厚道)
答曰 其實與近期學影相一樣 都是迫自己的(好似好慘咁)

為什麼呢 為什麼要迫自己呢? (係呢 咪寫咪影囉)
因為流水式生活 加上性格對事無大喜無大悲 對物無喜無惡
懊悔終生的決定 自責至將所有喜惡 感覺 都放諸於別人身上 好別人所好 惡別人所惡
掘番我 所以要將感覺 寫在生活每一鏡的片斷裡

目標為本教育再一次證明對我是最有效的 有著想做的事 才會特意去找
希望養成習慣 別又再
三分鐘熱度

報告 一切正常

因事要做詳盡血液 糞便檢查(疴足6日, 要查時3日都疴唔出)...

大陣仗, 連醫生都覺得可能會有個什麼麻煩事(對醫生來說當然唔係麻煩)...

結果, 醫生皺著眉說(嚇死): 無事喎黃生.... (吓? 咁即係點呀?)

感冒徵狀不計, 仍然無胃口, 一肚氣, 由疴變秘, 盜汗, 不時作嘔, 喝不下酒(變成病徵了, 且是最重的!)
那一切正常, 難道這些全是無中生有? 這一刻, 竟然情願報告有那麼的一項不正常(最好唔係大鑊野啦!) 一切正常 竟然令我更不安 人真的難測

點都好, 個肝好健康, 身邊努力勸我唔好飲咁多的親, 友, 可以死心了

水瓶座 有病

趁三分鐘熱度未過 寫得就寫

這性格的人有病 熱愛故事 熱愛分析 卻身無長物 所以探究別人 分析故事 倒成了唯一樂趣, 偏偏自己討厭三八(港譯八掛) 結果?

刻薄寡趣 ! 夠寫照了, 嚇怕兄弟, 嚇走戀人, 你剩下什麼呢? hm....好病

寫Blog

友勸我寫Blog經年, 終於肯, 但他要我千萬別寫灰野...嘿, 可能真的怕我越寫越灰, 但

有難度!

過得灰, 心態灰, 身體灰, 文字只會更灰!

其實, 紅才是我本色

曾幾何時, 我, 偏愛紅, 紅, 仍然是心底裡最疼最愛的色彩
忘了日月, 她為我披上一件紅(係, 一件), 自始(此), 愛上紅, 在白裡透出的, 在黑上最搶的...
最捉緊神經的, 盡為我所愛的那紅

慶祝今晚, 找回這紅, 血之極致...還望自可盡飲殘陽血, 穿腸蝕骨仍未醉!